|
||||
| Ungfrú Alheimi nauðgað í geimferð |
 HINNI 23 ára gömlu Paulu Estevez frá Venezuela, sem kjörin var Ungfrú Alheimur í október á síðasta ári, var nauðgað um borð í Alþjóðlegu geimstöðinni í fyrradag. Að svo stöddu liggur ekki fyrir hver ódæðismaðurinn var. Einungis er vitað að hann er fastráðinn starfsmaður Galaxy-geimferjunnar. „Það er náttúrlega alltaf hræðilegt þegar svona gerist,“ segir Ray Forbe, yfirmaður NASA, geimferðarstofnunar Bandaríkjanna. „Menn eru undir mikilli pressu þarna uppi og oft þarf ekki mikið til að út af bregði. Sumir hafa ekki hitt kvenmann í marga mánuði. Engu að síður er þetta náttúrlega óafsakanlegt.“ „Við höfum vitaskuld vikið ódæðismanninum frá störfum. Hann er þó enn í geimnum og verður sendur heim við fyrstu hentugleika, eða eftir viku. Vegna þess hversu kostnaðarsöm hver geimferð er þá verður hann samfara Paulu heim, en hún er líka enn úti í geimnum. Hún fær samt sérherbergi í Appollo 17 á bakaleiðinni. Ég harma þetta allt saman.“  Geimferð Paulu er liður í tíðum ferðum hennar vítt og breitt um veröldina. Undanfarin ár hafa handhafar titilsins Ungfrú Alheimur verið á stöðugum faraldsfæti og stuttu áður en Paulu var skotið út í geim dvaldist hún um mánaðarskeið við góðgerðarstörf einhvers staðar í svörtustu Afríku. „Þetta er í fyrsta skipti sem Ungfrú Alheim er skotið út í geim. Til stóð að hún myndi ávarpa Barack Obama, bandaríkjaforseta, úr geimnum, og syngja að svo búnu lag í beinni sjónvarpsútsendingu. En þetta fór náttúrlega öðruvísi en til stóð,“ sagði James Fonda, framkvæmdastjóri Ungfrú Alheims. „Þetta er jafnframt í fyrsta skipti sem handhafa titilsins er nauðgað. Ég vona bara að Paula komist heil á húfi aftur heim með Apollo 17, tillbúin að halda ótrauð áfram því góða starfi sem hún hefur unnið síðastliðnar vikur og mánuði.“ |
