|
||||
| Ný einkarekin fóstureyðingarmiðstöð tekur til starfa |
 Í dag tekur til starfa fyrsta einkarekna fóstureyðingarmiðstöðin í Reykjavík. Þessi nýja þjónusta var liður í áætlun fyrrum heilbrigðisráðherra, Guðlaugs Þórs Þórðarsonar, um að auka einkarekstur í heilbrigðiskerfinu. „Við vildum auka skilvirkni í heilbrigðiskerfinu og skapa pláss fyrir einstaklingsframtak. Á nýju fóstureyðingarmiðstöðinni verður þjónustan í hæsta gæðaflokki og verðið mun hagstæðara. Ég er ánægður með þetta og tel að þessi áætlun okkar um að auka einkareksturinn hafi gengið vel. Ég fagna því ennfremur að arftaki minn í starfi, Ögmundur Jónasson, hafi ekki afturkallað ákvörðunina,“ sagði Guðlaugur í dag. Nýja fóstureyðingarmiðstöðin verður með sérstakt opnunartilboð út mánuðinn og að sögn forsvarsmanna verður flottri auglýsingaherferð hleypt af stokkunum í byrjun sumars. „Við búumst ekki við beinum nettó-hagnaði á þessu rekstrarári en strax á því næsta höfum við sett markið mjög hátt,“ sagði Unnsteinn Haraldsson, rekstrarstjóri.  „Þetta skapar störf. Ríkisstjórnin ætlar sér að skapa 4.000 störf og nýja einkarekna fóstureyðingarmiðstöðin er liður í því. Þarna verða fjöldi lækna og hjúkrunarfræðinga, auk markaðsdeildar og stórrar skrifstofu,“ sagði Ögmundur Jónasson, heilbrigðisráðherra í dag. Hann opnaði nýja húsnæðið og skar á rauðan borða með þriggja metra löngum skærum. „Ég eyði hér með þessum rauða borða með þessum skærum og lýsi því yfir að þessi ágæta fóstureyðingarmiðstöð er nú tekin til starfa,“ sagði ráðherrann við dynjandi lófaklapp í Borgartúninu í morgun. |
